Qostanaı oblysynda tótenshe jaǵdaı departamentiniń qyzmetkerleri koronavırýsqa qarsy ekpe ala bastady.
Qutqarýshylar vaksınany árqaısymyz óz uıǵarymymyz boıynsha erikti túrde qabyldap jatyrmyz deıdi.
Departament qyzmetkerleri aldyn ala medısınalyq tekserýden ótkennen keıin ǵana ekpege jiberildi. Saǵat 10:00-de qasyna orynbasarlaryn ertken departament bastyǵy Birjan Kárimov bastaǵan 10-nan astam adam koronavırýs ınfeksııasyna qarsy vaksınanyń birinshi komponentin ektirdi. Vaksına alǵan soń olar 30 mınýt boıy dárigerdiń baqylaýynda otyrdy. Ekpe saldyrǵandar 3 kún boıy ózderi tirkelgen emhanadaǵy ýchaskelik dárigerdiń baqylaýynda bolady. Ekpe alǵan barlyq qutqarýshyǵa vaksına teris áser etken jaǵdaıda ózderi júginýge bolatyn emhanalardyń telefon nómirleri kórsetilgen arnaıy jadynama úlestirildi.
«Ekpe bastalǵaly pasıentterden vaksınanyń teris áser etkeni jóninde eshbir shaǵym túsken joq», deıdi dárigerler.
- Tótenshe jaǵdaı departamentiniń qyzmetkerleri osal topqa kiretin kontıngentke jatady. О́ıtkeni olar apattyq-qutqarý nemese profılaktıkalyq jumystardy júrgizý barysynda, sondaı-aq kúndelikti qyzmet ústinde únemi halyqpen tyǵyz baılanysta bolady. Sondyqtan qaýiptiń aldyn alý úshin, sondaı-aq qaýipsizdikti qamtamasyz etý maqsatynda olarǵa vaksınasııa qajet, - dedi TJD bastyǵy azamattyq qorǵanys polkovnıgi Birjan Kárimov.